Sagastad legg til rette for journalistar, fotografar og redaksjonelle produksjonar som vil utforske vikinghistoria og Myklebustskipet. Her finn de informasjon om pressebesøk, opptak, fagleg støtte og materiale til redaksjonell bruk.
Generell kontakt: post@sagastad.no
Pressekontakter:
- Jacob Bredesen, (Media) +47 466 37 819 – jacob@sagastad.no
- Synnøve Aabrekk, (Dagleg leiar) +47 416 22 807 – synnove@sagastad.no
Besøk for journalistar
Journalistar som arbeider med redaksjonell omtale av Sagastad, kan få gratis inngang etter avtale. Ta kontakt med oss før besøket, slik at vi kan stadfeste tidspunktet og vurdere kva fagleg eller praktisk støtte de treng. Opplys gjerne om redaksjon, tema, publiseringskanal, ønskt dato og eventuelle behov for intervju, fotografering eller opptak. Gratis inngang gjeld redaksjonelt arbeid; andre produksjonar og kommersielle opptak må avtalast særskilt.
Dekning av sjøsettinga krev akkreditering, då det er avgrensa plass om bord. Ta kontakt i god tid. Ved enkelte høve nyttar vi ei pool-løysing for å sikre at alle redaksjonar får tilgang til innhald.
Foto, film og TV-produksjon
Sagastad har erfaring med å ta imot og støtte TV-, film- og medieproduksjonar. Vi kan bidra i planlegginga, avklare praktiske rammer og hjelpe produksjonen med å finne gode inngangar til historia og opplevinga på huset. Leiinga i Sagastad har erfaring som intervjuobjekt. Vi har også eit stort nettverk i regionen som gjer at vi kan assistere med å involvere andre aktørar til fordel for produksjonen.
Ved større opptak ber vi om at de tek kontakt så tidleg som mogleg. Informer om storleiken på teamet, utstyr, tidsplan, ønskte område og behov for tilgang utanom ordinær opningstid. Tilrettelegging utover eit vanleg pressebesøk kan krevje ein eigen avtale.
Foto: Joakim Vedvik
Innhald og ressursar
Vi har innhald som kan delast med pressa, mellom anna bakgrunnsinformasjon, fakta om Sagastad og Myklebustskipet, og utvalde foto eller anna mediemateriale. Kva som er tilgjengeleg, og korleis materialet kan brukast, blir avklart for kvar førespurnad.
Vi kan òg hjelpe med å finne relevante fagpersonar og moglege intervjuobjekt. Tilgang og svartid vil variere, så ta kontakt tidleg dersom de har ein fast publiseringsfrist.
Foto: Joakim Vedvik