Konserten er utsatt til 18 desember. Meir info kjem.
Sagastad og FlutyStrings ved Anja Nieuwenhuis og Peter Georg Zehentbauer inviterer til vel-lyd i vikingsenteret med vakker musikk. Fløyte og gitar er perfekt for klangen i senteret.
Konserten er til inntekt for Leger uten Grenser, og du vel sjølv prisen på inngangsbilletten som du vippsar direkte til organisasjonen.
Anja har spelt fløyte frå ho var i tenåra. Ho spelar også ulike blokkflyøter og saksofon. Peter har traktert gitar i mange år. Han spelar både akustisk og elektrisk gitar.
Dei to dyktige musikarane og Sagastad fann kvarandre etter første låt ved lydprøva.
Repertoiret med keltisk/irsk-inspirert musikk satt med ein gong, men stykka med lettare klassisk og jazzy/bluesy musikk fungerte like godt.
FlutyStrings spelar til inntekt for Leger Uten Grenser så publikum kan denne kvelden velge sjølv kor mykje dei vil vippse til dette arbeidet. Mange kjenner LUG som er ein upartisk og uavhengig medisinsk ikkje-statleg organisasjon best kjent for medisinsk arbeid i krigsområde, utviklingsland og epidemiområdet. Skal vi rett og slett fylle Sagastad og bidra til denne saka ??
Konserten er delt i to og publikum kan beinke seg i skipet ilag med musikarane, eller nyte det heile frå småbord i kafédelen.
