Smilet er tilbake ved Sagastad. Med kanselleringar frå cruisegjestar og andre bussgrupper, såg det mørkt ut for sesongen. Senteret var til og med stengt ein periode i vår.
Juli har vist at også dei norske turistane finn Sagastad. Det har vore innom 4300 gjestar i juli. Dette er nesten 140 pr. dag i gjennomsnitt. Toppdagen var 17. juli med 375 betalande gjestar.
Nordfjord er eit attraktivt område å besøke. Sagastad viser seg interessant for dei fleste, også barnefamiliar. Tilbakemeldingane er gode. Dei besøkande er svært imponert over Sagastad. Mange er interessert i om skipet skal på fjorden og uttrykkjer ønskjer om å kome tilbake då.
